ليه تتجوز لما ممكن تعاكس؟!
فقير؟
بتفك
الخط بالعافية؟
مش معاك
فلوس تجيب شقة وشبكة والذي منه ؟
مستواك
الاجتماعي مايسمحلكش تتعرف على بنت ناس محترمين وتدخل بيت محترم؟
أنا معايا الحل !
مع
النظرية الأوسع انتشارا ً واللي حققت نجاح كبير جداااا ً على مستوى الجمهورية ..
"ليه تتجوز لما ممكن تعاكس؟!"
كل اللي
أنت محتاجه .. الهمة ، النشاط ، شوية تمارين رياضية عشان تقدر تتسرمح أكبر وقت
ممكن.
وأهم
حاجة تمرن نفسك على صفات المعاكس المتميز : قلة الأدب – التناحة – اللزقة – النفس
الحلوة أحيانا – وآخر حاجة العزيمة والاصرار والثبات مهما قابلت من شتايم .. حتى
لو انضربت خليك طموووووح
ممكن
تتشهر وتقود صغار المعاكسين وتربي أجيال من المعاكسين الأطفال ، وممكن كمان بعد
كده تطالب بنقابة للمعاكسين ومعاش للمراهقين المتأخرين فوق سن الستين. وماتنساش اتقان
عملك كمعاكس وخصوصا في المناطق السياحية ومع الأجانب. ولو قدرت تتعلم لغة ممكن
تحترف المعاكسة ويجيلك عقد عمل برة.
وبكدة
تكون قدمت دور كبير لبلدك ونقلت ثقافة ناس كتير تجهلها.
*
فوائد المعاكسة للفرد والمجتمع :
1- مهنة
سهلة ولذيذة وفيها فرص للابتكار.
2- ملء
الفراغات الموجودة على الأرصفة بجوار أكوام القمامة.
3-
اكتشاف مواهب موسيقية بدون آلات ، كالصفير والبسبسة.
4-
القضاء على البطالة.
5-
امكانية نقل ثقافة جديدة للغرب وابهار العالم.
وماتنساش أهم حاجة في المعاكس أن لازم يكون
ماعندهوش ولا نقطة دم ومايزعلش لو أخته أو بنته اتعاكست.
مع أطيب
تمنياتي بمعاكسة موفقة J
هدير زهدي
11/9/2013 
ليست هناك تعليقات:
إرسال تعليق